![]() | Dîner de Bienfaisance Rotary Dikkrech-Ettelbréck2025-03-15Den 13. Mäerz hat de Rotary Club Dikkrich-Ettelbréck op säin traditionnellen « Dîner de Bienfaisance » an Zesummenaarbecht mat der Dikkricher Hotelschoul invitéiert. Et war ee ganz flotten Owend an enger geselleger Ambiance, un deem mir ganz gäeren zu puer aus eisem Comité deelgeholl hunn.
Den Erléis vum Owend fléisst och an ee Madagaskar-Projet, deen eis Asbl bis Juni 2025 zesumme mat de Rotarier ëmsetzt: d’Schoul Ilanivato an engem Aarmevéierel vun Tana gëtt mat engem Bloc Sanitaire an enger Fotovoltaikanlag ekippéiert!!!
Mir soen dem aktuelle Präsident vum Rotary Club Dikkrich-Ettelbréck, dem Jemp Gutenkauf, a senge Rotarier ee ganz grousse MERCI fir d’Vertrauen an eis Asbl an d’Ënnerstëtzung fir dëse wichtegen, konkrete Projet! |
![]() | Rentrée an der Ecole Santa Lucia2024-09-21Och an der Ecole Santa Lucia, enger weiderer Partnerschoul zu Antananarivo, war d'lescht Woch Rentrée. Hei sinn dëst Joer eng 170 Kanner ageschriwwen.
Si kruten hiert Schoulmaterial vun eiser Asbl finanzéiert a vun der Direktioun, den Enseignanten an 3 Dammen vum Club Soroptimist vun Tana iwwerreecht.
Wéi schonn an de leschte Joren, finanzéiere mir an der Ecole Santa Lucia weiderhin d'Kantin. Mir iwwerhuelen d'Käschte vun den Akeef an d'Salairen vun 3 Kächinnen, esou dass all d'Schüler op de 4 laange Schouldeeg an der Woch gratis eng waarm Molzecht zou sech huele kënnen. Dat bedeit eng immens grouss finanziell Entlaaschtung fir hir Famillen.
Ouni déi generéis Donen vun eise Memberen kënnte mir dëse grousse Projet net finanzéieren. Hinnen all duerfir e grousse MERCI!
|