Accueil

Actualités

Rentrée an der Ecole Ilanivato

2024-09-10

Dës Woch hunn eis déi éischt Fotoen vun der Rentrée 2024 erreecht. An der Ecole Ilanivato, déi an engem Aarmevéirel vun der Haaptstad Antananarivo läit, kruten dëst Joer 330 Schüler d'Schoulmaterial vun eiser Asbl finanzéiert.

Wéi schonn an de leschte Joren konnt d'Schouldirektioun bei der Verdeelung vum Material op déi wertvoll Hëllef vun eise Partnerinnen vum Club Soroptimist vun Antananarivo zielen. Der Madame Misa an hire Kolleeginnen e grousse Merci dofir!

Esou eng grouss Schoul gutt ze geréieren ass schwiereg ouni technesch Hëllefsmëttel. Aus dësem Grond si mir dëst Joer der Direktioun hirem Wonsch no informateschem Material nokomm an hunn e Laptop an eng Imprimante finanzéiert. Dës goufen dann och am Kader vun der Distributioun vum Schoulmaterial iwwerreecht.

E grousse MERCI un all eis Donateuren, déi eis et all Joer erëm erméiglechen, d'Material ze finanzéieren an esou enger Rei malgache Schüler den Zougang zur Bildung vereinfachen.

» Galerie

Chèque-Iwwerreechung an der Useldenger Schoul

2024-07-20

D'Schüler aus der Useldenger Schoul hunn dëst Schouljoer bei verschidden Aktivitéiten, ënnert anerem engem Benefizlaf, Sue gesammelt, déi si eiser Asbl spende wollten.

D'Nadine an d'Sandra waren duerfir am Juni 2 Mëtteger op Useldeng, fir alle Schoulkanner d'Aarbecht vun eiser Asbl virzestellen an hinnen ze weisen, wat mir mat den Donen op Madagaskar erreeche kënnen.

Um leschte Schouldag waren d'Christiane an d'Nicole dunn op d'Chèque-Iwwerreechung invitéiert, déi am Kader vum Schoulfest um Futtballsterrain stattfonnt huet. Si waren iwwerwältegt, wéi si gewuer goufen, dass déi riseg Zomm vun 8765€ gespend gouf.

Mir soen alle Kanner an Enseignanten aus der Useldenger Schoul e grousse MERCI fir hire generéisen Don!

D'Spenden aus de Schoulen vun Useldeng a Käerch erméiglechen eis, d'Schoulmaterial fir iwwer 1000 Schüler aus eise 4 Partnerschoulen fir d'Schouljoer 2024/2025 ze finanzéieren.

» Galerie

Première Précédente Suivante Dernière