An der kierzlech renovéierter Schoul sinn dëst Joer ronn 160 Schüler ageschriwwen. Si all kruten vun eiser Asbl d'Schoulmaterial finanzéiert. Bei der Verdeelung gouf d'Direktioun erëm vun 3 Dammen vum Club Soroptimist Mandrosoa vun Antananarivo ënnerstëtzt. Hinnen e grousse Merci dofir.

Wa fir d'Rentrée 2025 dat neit Gebai fäerdeg ass, wäert sech d'Schülerzuel vum Collège Radama Ier quasi verduebelen.

MERCI allen Donateuren, déi eis et erméiglechen, de Schüler hiert Material zur Verfügung ze stellen, wat eng grouss finanziell Entlaaschtung fir hir Famille bedeit.

Wéi schonn an de leschte Joren konnt d'Schouldirektioun bei der Verdeelung vum Material op déi wertvoll Hëllef vun eise Partnerinnen vum Club Soroptimist vun Antananarivo zielen. Der Madame Misa an hire Kolleeginnen e grousse Merci dofir!

Esou eng grouss Schoul gutt ze geréieren ass schwiereg ouni technesch Hëllefsmëttel. Aus dësem Grond si mir dëst Joer der Direktioun hirem Wonsch no informateschem Material nokomm an hunn e Laptop an eng Imprimante finanzéiert. Dës goufen dann och am Kader vun der Distributioun vum Schoulmaterial iwwerreecht.

E grousse MERCI un all eis Donateuren, déi eis et all Joer erëm erméiglechen, d'Material ze finanzéieren an esou enger Rei malgache Schüler den Zougang zur Bildung vereinfachen.