Accueil

Actualités

2252 Euro vun de Bartrénger Schoulkanner!

2019-05-26

D'Schoulkanner aus dem Cycle 4 vu Bartréng hunn an de Pause Kuch verkaaft fir 1 Euro d'Stéck. Si hunn op déi Manéier déi formidabel Zomm vun 2252 Euro gesammelt, déi si un eis Asbl spenden! D'Christiane Gros war dës Woch op Bartreng fir de Schüler en Abléck an d'Geographie vu Madagaskar souwéi an d'Liewensweis an déi zum Deel ganz schwiereg Liewensëmstänn op der Insel ze ginn. Si kruten och d'Aarbecht vun eiser Asbl virgestallt an erkläert, wéi si mat hierer Spend Schoulen op Madagaskar ënnerstëtzen an esou madagassesche Schüler eng besser Chance op eng schoulesch Ausbildung ginn.

E grousse MERCI un all Schüler aus dem Cycle 4 vu Bartreng, d'Elteren an d'Enseignanten fir hier Ënnerstëtzung!

Schoulfest an der Ecole Santa Lucia

2019-05-15

Op Madagaskar ass d'Schouljoer geschwënn eriwwer.

Well virun allem d'Organisatioun vum Transport fir Schoulausflich ganz schwiereg ass, huet d'Santa Lucia Schoul décidéiert, dëst Joer e Schoulfest am Schoulhaff amplaz vun engem Ausfluch fir d'Klassen ze plangen. D'Kanner konnten do un Aktivitéiten deelhuelen an och Karrussell a "Riserad" fueren. Well en Tour vun e puer Minutten op esou engem Karrussell normalerweis vill Sue kascht, waren d'Schüler an hier Eltere ganz begeeschtert, fir um Schoulfest de ganzen Dag kënnen dovunner ze profitéieren.

Beim gemeinsamen Iessen koumen déi grouss Dëppen, d'Telleren an d'Läffelsgeschier an den Asaz, déi d'Christiane an d'Nadine 2017 mat der Schouldirektesch op Madagaskar kafe waren. Gekacht gouf op de vun eiser Asbl finanzéierten Iewen vun ADES, déi vill manner Holz brauchen ewéi déi traditionell madagassesch Iewen.

E gelongent Fest fir déi ganz Schoulgemeinschaft.

» Galerie

Première Précédente Suivante Dernière