Accueil

Actualités

De Bloc sanitaire ass fäerdeg

2019-10-19

Déi Responsabel vun der Ecole Santa Lucia aus der madagassescher Haaptstad hunn dës Woch voller Freed matgedeelt, dass de Bloc sanitaire, deen eis Asbl finanzéiert huet, fäerdeggestallt gouf. D'Schüler an d'Enseignanten hunn elo 3 Toiletten, en Urinoir an 2 Lavaboen zur Verfügung. Virum Bau vun dësem Bloc hat d'Schoul keng Sanitäranlag fir hier Schüler.

D'Directioun vun der Schoul ass esou houfreg an dankbar fir déi nei Infrastruktur, dass si no der Fäerdegstellung eng kleng Aweiungsfeier organiséiert huet. A Präsenz vun 3 Dammen vum Club Soroptimist Antananarivo, eisem Partner op Madagaskar, hunn si eng kleng (provisoresch) Plackett mam Logo vun eiser Asbl opgehaangen.

En décke MERCI un all eis Donateuren, ouni déi mir sou wichteg Projeten net kéinte realiséieren!

» Galerie

Ofschloss vum Schouljoer 2018/2019 an der Ecole Santa Lucia

2019-09-07

Op Madagaskar huet d'grouss Vakanz och elo ugefaangen.
Fir den Ofschloss vum Schouljoer ze feieren, gouf an der Santa Lucia Schoul dëst Joer kee Schoulfest, mee en Iessen mat de Schüler an hieren Elteren organiséiert. Gekacht hunn d'Enseignanten zesumme mat 2 Elteren vu Schüler. Dobäi koumen och déi 2 vun eiser Asbl gesponsert ADES-Iewen an den Asaz, déi vill manner Holz verbrauchen wéi déi traditionnel madagassesch Iewen, souwéi d'Telleren, d'Schosselen an d'Besteck, dat d'Nadine an d'Christiane bei hierer leschter Rees op Madagaskar mat de Responsabelen vun der Schoul kafe waren.
Mir wënschen alle Schüler an Enseignanten vun der Santa Lucia Schoul eng erhuelsam grouss Vakanz fir dass si voller Elan am Oktober an dat neit Schouljoer starte kënnen.

» Galerie

Première Précédente Suivante Dernière