Accueil

Actualités

Club Soroptimist Luxembourg-Melusina

2024-06-02

Den 21. Mee 2024 hunn eis Presidentin Nadine Elcheroth an eis Trésorière Christiane Gros am Club Soroptimist Luxembourg-Melusina souwuel eis Asbl an eis Projeten ewéi och eng méiglech Zesummenaarbecht mam Club Soroptimist vun Antananarivo virgestallt.

Eis Aarbecht op Madagaskar wier ouni eis zouverlässeg Partnerinnen vun deem Club vun Tana ganz schwéier. Si gi reegelméisseg an eis Partnerschoulen kucken, ob alles esou leeft, wéi et soll, verwalten eise malgache Kont an hëllefen an de Schoulen bei der Verdeelung vum Schoulmaterial oder anere Projeten.

Bei hirer Visitt 2023 op Madagaskar kruten d'Nadine an d'Christiane vun den Dammen ee Projet vum Club Soroptimist virgestallt mat ënnert anerem enger Dokteschpraxis, enger Gebuertsstation an enger Crèche. Well eis Asbl net d'Mëttelen huet, dëse Projet och nach finanziell ze ënnerstëtzen, hunn d'Nadine an d'Christiane versprach, de Kontakt mat engem Club Soroptimist vu Lëtzebuerg en Vue vun enger méiglecher Ënnerstëtzung an d'Weeër ze leeden.

Iwwert eis Member Marie-Jo Decker, déi Presidentin vum Club Luxembourg-Melusina ass, koum dëse Kontakt zestanen.

Mir si gespaant, ob a wéi d'Zesummenaarbecht sech entwéckelt.

» Galerie

Päck fir Madagaskar

2023-11-14

Wärend eiser Visitt op Madagaskar am Mee 2023 huet eng Engleschproff aus dem Lycée Ambararatabe eis gefrot, ob mir hir an de Schüler kéinten englesch Schoul- a Liesbicher zoukomme loossen. No engem Opruff bei verschiddenen Enseignants-Kolleeginnen koume ronn 150kg (!!!) englesch Bicher zesummen! Déi goufe verpaakt a lo op de laange Wee Richtung Madagaskar verschéckt. MERCI dem Muriel a Marie-Jo (Lycée Aline Mayrisch), dem Chantal (Lycée Classique Diekirch), dem Paule, Carole a Michèle (Lycée Ermesinde Miersch), déi an hire Lycéen vill englesch Bicher fir Madagaskar gesammelt hunn!

Och e Pak vun 20kg, gefëllt mat Spillsaachen a Kleeder, goufen an eng malgache Crèche geschéckt, déi vun eise Partner op der Plaz, dem Club Soroptimist Tana, an d’Liewe geruff gouf. MERCI dem Manon an dem Muriel, déi dofir gesuergt hunn, dass dëse Pak gutt gefëllt an d’Crèche ka geschéckt ginn!

» Galerie

Première Précédente Suivante Dernière